O Concello de Redondela deu a coñecer hoxe a suspensión do mercado previsto para o día 6 de decembro, e para o que se tiña xa todo disposto, “logo dos datos sobre a evolución da COVID no municipio que nos inclúe no Nivel Máximo de Restricións ao que se engade o peche perimetral”, sinalou a alcaldesa Digna Rivas tralas reunións mantidas con responsables da Consellería de Sanidade.
O Goberno redondelán daba por certa a celebración da feira do 6 de decembro e de feito, tal e como explica o concelleiro de Feiras e Mercados, Vicente Lamas, “tíñamos adoptado todas as disposicións necesarias para desenvolvelo ocupando toda a zona da avenida Mendiño” ao considerar o executivo que preside Digna Rivas, “a complicada situación que atravesa o comercio local e que precisa de iniciativas dinamizadoras como a feira dos días 6 e 21 de cada mes”.
Rivas asegurou que a decisión de suspender a celebración da feira adoptouse tralas reunións mantidas con responsables da administración sanitaria galega que, amais de incluír a Redondela no nivel de restrición máximo, engadía a circunstancia dun peche perimetral do municipio, circunstancia que fai imposible a celebración deste mercado.
A alcaldesa redondelá deu conta que, unha vez máis e como ven facendo hai días, pediu aos responsables da Consellería de Sanidade a realización dun cribado de probas PCR para coñecer, con certeza, a incidencia da COVID en Redondela e “poder optimizar as medidas a tomar en coordinación coa Consellería”. Nese sentido, Digna Rivas lembrou que esta medida “vén sendo reclamada insistentemente por esta acaldesa dende hai máis dunha semana e, polo que parece, comezarán a facerse esta vindeira semana”.
O cribado de probas PCR, asegurou a rexedora local, "permitirá coñecer con exactitude o alcance da pandemia no noso territorio e, por tanto, poder actuar en consecuencia dentro das nosas".
Galicia cuenta con algunas medidas que permiten un alivio fiscal en la declaración de la Renta 2024. ¡Consúltalas aquí!
El hombre, al que le interceptaron cocaína, forcejeó con el responsable del local y a otro cliente. Fue en el centro de la ciudad
Vigo ya no es la ciudad más feliz de España, así queda ahora el ranking nacional y del mundo. Y tú, ¿te sientes menos feliz ahora que hace un año?
Vigo, muy presente en las nuevas recomendaciones de la Guía Michelin de marzo. Dos restaurantes de Galicia con "sabor" a Vigo
La Universidad de Vigo "incuba" 14 nuevas iniciativas empresariales del alumnado en diferentes modalidades
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL