Mitic e París de Noia, banda sonora do Corpus de Ponteareas

Música, animación de rúa e animación infantil, concertos e exposicións son algúns dos elementos que nutren este programa no que a actriz e presentadora Nieves Rodríguez métese no papel de pregoeira do Corpus Christi 2018 seguida da actuación da Orquestra de Cámara Galega.

Másnoticias

Ponteareas cede un nuevo local totalmente gratis para dinamizar el comercio

31/03/2025

Estas son las propuestas y los horarios de la ruta gastronómica del Pinchoterra de Salvaterra

30/03/2025

Unha vez abertas oficialmente as festas, o traballo dos e das voluntarias arrancará nas rúas ás 16:00 horas do sábado. Dende ese momento e até ben entrada a madrugada irán cubrindo paseniñamente as rúas do centro de Ponteareas de alfombras de todas as cores con flores e elementos da natureza.

O domingo a banda de música Reveriano Soutullo actuará ás 10:30 horas diante da casa do concello para, deseguido, ás 11:30 horas, dar comezo a misa e a procesión que pasará sobre as alfombras florais.

Xa na tardiña, as carrozas desfilarán baixo unha batalla floral acompañada da Banda de Gaitas Tremiñado e da novidosa animación da empresa Pablo Méndez que fará unha alegoría á arte floral.

Pola súa parte, o luns ás 20:00 chegará o momento de homenaxear aos alfombristas que xa non nos acompañan depositando un ramo de flores xunto ao monumento que os recorda. Ás 20:30 horas o auditorio acollerá o acto de entrega de medallas do Corpus Christi cunha homenaxe especial para a Comisión do Corpus de 1948.

Música en directo o sábado e domingo

O Corpus 2018 de Ponteareas é tamén sinónimo de música nas rúas. O domingo, a praza Maior acollerá a actuación da orquestra América a partir das 22:00 horas e ás 23:00 horas seguiralle o grupo MITIC cos irmáns Álvaro e Suso Costas que presentan un novo xeito de entender a o gaita galega.

O luns, a verbena estará amenizada por unha das grandes orquestras galegas. Ás 22:00 horas a festa arrancará con París de Noia, encargada de pechar as festas na Praza Maior.

O Corpus 2018 virá tamén cargado de novidades non só culturais e de lecer se non tamén técnicas porque atendendo ás peticións dos alfombristas, o goberno incrementará os puntos de luz e mellorará a iluminación para facilitar o traballo nocturno de todos e todas as alfombristas.

108 focos halóxenos de 250W máis 50 focos led que proporcionan un gran aforro enerxético posibilitarán que as mans que trasladan a arte floral ao pavimento das rúas e prazas traballen con precisión e detalle.

Sesenta e dous arcos e motivos festivos luminosos adornarán as rúas de Ponteareas para recibir aos visitantes chegados de todos os puntos de Galicia, Portugal e do resto de España que se desprazarán en vehículos particulares e autobuses.